Myndir af vörum úr gleri__


forsíða

fréttir

ferilskrá

keramík

hugarflug

uppskrift

bollar

english

Munnblásin glerglös og karöflur.
Hannað af Kristínu Sigfríði Garðarsdóttir og framleidd í Póllandi fyrir studó subbu!

Ég fékk fyrst tækifæri til að blása gler þegar ég var sem skiptinemi í Konstfack skólanum í Stokkhólmi. Mér fannst glerverkstæðið bjóða mig velkomna inn í heillandi heim, veröld sem var svo framandi og spennandi ekki síst vegna þess að ég hafði ekki rekið nefið í neitt líkt því áður. Man að mér fannst mér ekkert miða áfram og bles eins og físibelgur í nokkrar vikur. Á glerverkstæðinu var alltaf funhiti, þannig að það rann af manni svitinn við púlið. Ég hafði ekki áttað mig á öllu vökvatapinu sem líkaminn verður fyrir og var einhverju sinni næstum liðið yfir mig og ég sem hélt það væri af geðshræringunni yfir fljóandi glerinu!! Ég var svo heppin þarna í Konstfack að ná góðu sambandi við deildastjórann í glerstúdióinu sem var hörku kennari frá New York. Hún var afar umdeild af nemendum í skólanum, en þá kom sér ágætlega að skilja ekki vel sænskuna!. Ég fekk algjörlega að leika lausum hala á svæðinu sem var alveg geggjað.

Eftir að ég lauk náminu hér heima og fluttist til Danmerkur fór ég í keramik og glerdeild við Danmarks design skólann. Þar tók ég nokkra kúrsa á glerverkstæðinu og hitti fyrir annan amerískan kennara. Hann var nú ekki alveg eins umburðarlyndur ...... en góður kennari engu að síður. Hann hélt fast í sína nemendur og vildi helst ekki hleypa þeim of mikið í aðrar deildir. Ég var gjörsamlega klofin í herðar niður því ég var líka alveg spennt fyrir gifsverkstæðinu í skólanum og togaði það fast. Þannig að það má segja að ég hafi verið eins og jójó á milli hæða um nokkurn tíma. Síðan tók ég ákvörðun og varð keramík fyrir valinu. Ég hef aldrei séð eftir þeirri ákvörðun því að í þeirri veröld sem leirinn skapar finn ég góðan stað sem passar mér vel.
 

stúdíó subba   |   hamraborg 1   |   554 5075   |   895 9556   |   kristin@subba.is